Bernadette Peters (28 de febreru de 1948, Queens) ye una actriz y cantante norteamericana. Mientres los sos más de 50 años de carrera, incursionó en cine, teatru y televisión, grabó numberosos discos y realizó múltiples xires y conciertos. Reconocida principalmente pol so llabor en Broadway, foi nomada pa siete premios Tony, de los que ganó dos, y p'ocho gallardones Drama Desk, de los que recibió trés.
Empecipió la so carrera nel teatru, pa depués debutar nel cine y la televisión na década de 1970. Los sos primeros trabayos nes pantalles inclúin participaciones en ciclos televisivos como The Muppet Show o The Carol Burnett Show y papeles en películes de comedia, ente elles, Silent Movie, The Jerk y Pennies from Heaven.